Tirthacintamani 14.p8

14.p8

atra kalpabhedena parimāṇabhedo draṣṭavyaḥ| asivaraṇayormadhyaṃ vārāṇasīkṣetramiti tu niyama eva, tenāsitaḥ pūrvvaṃ varaṇāta: paścādvārāmasīti mantavyam | tatraivaśayanantūttare jñeyamiti caṇḍeśvaraṃ mama | dakṣiṇaṃ śaṅkukarṇaṃstu oṃkārantūttaraṃ mama | daśakoṭyastu tīrthānāṃ saṃviśantyatra parvvaṇi || liṅgapurāṇe-śivavākyampiṅgalā nāma yā nār̤ī āgneyī sā prakīrttitā | śuṣkā sariśca sā jñeyā lolārko yatra tiṣṭhati || ir̤ānāmnī tu yā nār̤ī sā saumyā samprakīrttitā | 'varaṇāsīsamā jñeyā keśavo yatra saṃsthitaḥ || ābhyāṃ madhye tu yā nār̤ī suṣumnā sā prakīrttitā | matsyodarī ca sā jñeyā viṣuvaṃ tatprakīrttitam || vārāṇasyāntu pūrvvadiśi dvāradeśe mitrāvaruṇanāmakaṃ liṅgadvayaṃ “mitrāvaruṇanāmānau dvāradeśavyavasthitau” iti liṅgapurāṇāt | evañca lolārka-keśavayoḥ śuṣkanadī-varaṇatīrasthayormadhyaṃ matsyodarīsaṃjñakanadīcihnitam| asī(si)varaṇayormadhyaṃ vārāṇasīkṣetramiti vṛttulārthaḥ