Tirthacintamani 14.p9
Tīrthacintāmaṇi 14.p9
- Language
- Sanskrit
14.p9
mātsye — vimuktaṃ na mayā yasmānmocyate na' kadācana | mahat kṣetramidaṃ tasmādavimuktamiti smṛtam || prayāgādapi tīrthāgryādidameva mahat smṛtam | alpāyāsena caivātra mokṣaprāptiḥ prajāyate || tathā tatraiva — nānāvarṇā vivarṇāśca cāṇḍālā ye jugupsitāḥ | kilbiṣaiḥ pūrṇadehāśca prakṛṣṭaiḥ pātakaistathā | bheṣajaṃ paramaṃ teṣāmavimuktaṃ vidurbhudhāḥ || duṣṭān vā dīnakṛpaṇān pāpān duṣkṛtakāriṇaḥ | devo'nukampayā sarvvān nayatyātmaparāṃ gatim2 || brāhme brahmavākyam — kṣetramadhyādyadā gaṅgā gamiṣyati saritpatim | tena sā mahatī puṇyā purā rudra bhaviṣyati || puṇyā codaṅmukhī gaṅgā prācī caiva sarasvatī | udaṅmukhī yojane dve gacchate jāhnavī nadī || ta ete vibudhāḥ sarvve mayā saha savāsavāḥ | uttame vā sameṣyanti kapālaṃ tatra mocaya || tasmin tīrthe'ttame3 gatvā piṇḍadānena vai pitṝn | śrāddheṣu prīṇayiṣyanti teṣāṃ lokottamā divi
Linked texts (4)
- Liṅgapurāṇa — Vyāsa, Sanskrit
- Liṅgapurāṇa — Ativīrarāma Pāṇṭiyar 1500, Sanskrit
- Skanda Purāṇa (Kumāra Kavi) — Kumāra Kavi, Sanskrit
- Kṛtyasārasamuccaya (Amṛtanātha Jhā Śarman) — Amṛtanātha Jhā Śarman 1800, Sanskrit