Tirthacintamani 2.p1

2.p1

śrāddhānantarañca gamanaṃ saṅgacchate | tato veṣadhāraṇam | taduktaṃ vāyupurāṇe,-udyataścedgayāṃ gantuṃ śrāddhaṃ kṛtvā vidhānataḥ | vidhāya kārpaṭīveṣaṃ kṛtvā grāmaṃ pradakṣiṇam | tato grāmāntaraṃ gatvā śrāddhaśeṣasya bhojanam || tataḥ pratidinaṃ gacchet pratigrahavivarjitaḥ | pade pade'śvamedhasya syāt phalaṃ gacchato gayām || idañca kārpaṭīveṣadhāraṇaṃ gaṇeśaṃ grahāniṣṭadevatāśca sampūjya gamanaphalañca yadyapi gayāyāmeva śrūyate tathāpi tīrthāntarayātrāyāmapi draṣṭavyam “ekatra nirṇīta iti nyāyāt | phalākāṅkṣāyāñca gamanaphalatvena etasyaivānyatrāpi gamanaphalatvamucitamantaraṅgatvāt | • na tu viśvajinnyāyādanyatra phalakalpanaṃ tasya bahiraṅgatvenòpasthitigauravāt | grāmāttaraṃ krośābhyantarameva “adhvani ca krośapūraṇe” ityādinā śrāddhottaraṃ krośagamananiṣedhāt