Tirthacintamani 3.p1

3.p1

atha padmapurāṇe— kurukṣetrasamā gaṅgā yatra tatrāvagāhitā | tasmāddaśaguṇā proktā yatra vindhyena saṅgatā || tasmācchataguṇā proktā kāśyāmattaravāhinī | kāśyāḥ śataguṇā proktā gaṅgāyāmunasaṅgame || sahasraguṇitā sā'pi bhavet paścimavāhinī sā rājan darśanādeva brahmahatyāpahāriṇī || paścimābhimukhī gaṅgā kālindyā saha saṅgatā | hanti kalpakṛtaṃ pāpaṃ sā māghe nṛpa durlabhā || amṛtaṃ kathyate rājan sā veṇī bhuvi kīrttitā | tasyāṃ māghe muhūrttantu devānāpi durlabham || tathā— pṛthivyāṃ yāni tīrthāni purvyaḥ saptoda yāḥ punaḥ | snātumāyānti tā veṇyāṃ māghe māsi narādhipa || brahmaviṣṇuśivā devā rudrādityamarudgaṇāḥ | gandhardhvā lokapālāśca yakṣakinnaraguhyakāḥ || aṇimādiguṇopetā ye cānye tattvadarśinaḥ | brahmāṇī pārvatī lakṣmīḥ śacī medhā'ditī ratiḥ || sarvvāstā devapatnyaśca tathā nāgāṅganā nṛpa | ghṛtācī menakā rambhā urvvaśī ca tilottamā