Tirthacintamani 3.p2

3.p2

gaṇāśvāpsarasāṃ sarvve pitṛṇāñca gaṇāstathā | snātumāyānti te sarvve māghe veṇīṃ narādhipa || kṛte yuge svarūpeṇa kalau pracchannarūpiṇaḥ || sarvvatīrthāni kṛṣṇāni pāpināṃ saṅgadoṣataḥ | bhavanti śuklavarṇāni prayāge māghamajjanāt || tathā— makarasthe ravau māghe govindācyuta mādhava | snānenānena me deva yathoktaphalado bhava || iti mantraṃ samuccāryya snāyānmaunaṃ samāśritaḥ | vāsudevaṃ hariṃ kṛṣṇaṃ śrīdharañca smarettataḥ || taptena vāriṇā snānaṃ yahṛhe kriyate naraiḥ | ṣaṣṭhābdena phalaṃ tadvi makarasthe divākare || bahiḥ snānantu vāpyādau dvādaśābde phalaṃ smṛtam | tar̤āge dviguṇaṃ rājan nadyādau tu caturguṇam || daśadhā devakhāte ca śatadhā ca mahānadīm | śataṃ caturguṇaṃ rājan mahānadyāstu saṅgame || sahasraguṇitaṃ sarvvaṃ tat phalaṃ makare ravau | gaṅgāyāṃ snānamātreṇa labhate mānuṣo nṛpa || tathā— gaṅgāṃ ye'cāvagāhanti māghe māsi narādhipa1| caturyugasahasrānte2 na patanti surālayāt