Tirthacintamani 3.p11

3.p11

ete cānye ca bahavo ye ca puṇyāḥ prilocayāḥ | daśataurthasahasrāṇi triṃśatkoṭyastathā parāḥ || prayāge saṃsthitā nityamevamāḍarmanīṣiṇaḥ | trīṇi cāpyagnikuṇḍāni teṣāṃ madhye tu jāhnavī || prayāgādabhiniṣkrāntā sarvvatīrthapuraskṛtā | tapanasya sutā devī triṣu lokeṣu viśrutā || yamunā gaṅgayā sārddhaṃ saṅgatā lokapāvanī | gaṅgāyamunayormadhye pṛthivyāṃ yatparaṃ smṛtam || prayāgaṃ rājaśārdūla kalāṃ nārhanti ṣoḍaśīm | tisraḥ koṭyo'rddhakoṭiśca tīrthānāṃ vāyurabravīt || divi bhuvyantarauce ca tatsarvvaṃ jāhnavī smṛtā | prayāgaṃ samadhiṣṭhāya kambalāśvatarāvubhau || bhogavatyatha yā caiṣā vedireṣā prajāpateḥ | tatra vedāśca yajñāśca mūrttimanto yudhiṣṭhira || prajāpatimupāsante ṛṣayaśca tapodhanāḥ | yajante kratubhirdevā stathā cakradharā nṛpa || tataḥ puṇyatamaṃ nāsti triṣu lokeṣu bhārata | prabhāvāt sarvvatīrthebhyaḥ prabhavatyadhikaṃ vibho || tathā dṛṣṭvā tu tattīrthaṃ prayāgaṃ paramaṃ padam | mucyate sarvvapāpebhyaḥ śaśāṅka dūva rāhuṇā