Tirthacintamani 3.p12

3.p12

tathā— tato gatvā prayāgantu sarvvadevābhiracitam | brahmacārī1 vasanmāsaṃ pitṝndevāṃśca tarpayet || īpsitān labhate kāmān yatra yatrābhijāyate | tathā— sitāsite tu yo majjedapi pāpaśatāvṛttaḥ | makarasthe ravau māghe na sa garbheṣu majjati || durjjayā vaiṣṇavī māyā devairapi sudustyajā | prayāge dahyate sā tu māghe māsi narādhipa || teṣu teṣu ca lokeṣu bhuktvā bhogānanekaṇaḥ| paścāccakriṇi līyante prayāge māghamajjinaḥ || upaspṛśati yo māghe makarārke sitāsite | tasya puṇyasya saṅkhyāṃ no citragupto'pi vettyalam || rājasūyasahasrasya rājannavikalaṃ phalam | sitāsite tu māghe ca snātānāṃ bhavati dhruvam || tathā— ākalpajanmabhiḥ pāpaṃ sañcitaṃ yannarairnṛpa | tadbhavedbhasmasānmāghe snātānāntu sitāsite || bhaviṣye— gaṅgāyamunayoścaiva saṅgamo lokaviśrutaḥ | saṃ eva kāmikaṃ tīrthaṃ tatra snānena bhaktitaḥ