Tirthacintamani 3.p13

3.p13

yasya yasya ca yaḥ kāmastasya tasya bhaveddhi saḥ | bhogakāmasya bhogāḥ syuḥ syādrājyaṃ rājyakāminaḥ | svargaḥ syāt svargakāmasya mokṣaḥ syāt mokṣakāminaḥ || kāmapradāni tīrthāni trailokye yāni kāni ca | tāni sarvvāṇi sevante gaṅgāyāmunasaṅgamam || gaṅgādvāre prayāge ca gaṅgāsāgarasaṅgame | strātvaiva brahmaṇo viṣṇoḥ śivasya ca puraṃ brajet || bhāratesitāsite tu yat snānaṃ māghe māsi yudhiṣṭhira | na teṣāṃ punarāvṛttiḥ kalpakoṭiśatairapi || mātsyesatyavādī jitakrodho ahiṃsāparamāsthitaḥ | dharmānusārī tatvajño go-brāhmaṇahite rataḥ || gaṅgā-yamunayormadhye strāto mucyeta kilbiṣāt | manasā cintitān kāmāṃstatra prāpnoti puṣkalān || pādmesvarṇabhārasahasreṇa kurukṣetre ravigrahe | yatphalaṃ labhate māghe beṇyāṃ tacca dine dine || atha tryahasnānaphalam | mātsye— gavāṃ śatasahasrasya samyagdattasya yatphalam | prayāge māghamāse tu tryahasnātasya tadbhavet || tathā— saṃvatsaraśataṃ sāgraṃ nirāhārasya yatphalam | prayāge māghamāse tu tryahasnātasya tatphalam || tathā— yogābhyāsena yatpuṇyaṃ saṃvatsaraśatatraye | prayāge māghamāse tu tryahasnānasya tadbhavet || tathā— prayāge māghamāse tu yastryahaṃ snāti mānavaḥ | pāpaṃ tyaktvā divaṃ yāti jīrṇāṃ tvacamivoragaḥ || pādme— prayāge māghamāse tu tryahasnātasya yatphalam | nāśvamedhasahasreṇa tatphalaṃ labhate bhuvi || tathā— tryahasnānaphalaṃ māghe purā kāñcanamālinī | rākṣasāya dadau bhūpa tena muktaḥ sa pāpakṛt || tryahātpāpakṣayo jātaḥ saptaviṃśatibhirdinaiḥ | śeṣaṃ me yadabhūtpuṇyaṃ tena devatvamāgatā || ramamāṇā1 tu kailāse girijāyāḥ priyā sakhī