Tirthacintamani 3.p29

3.p29

svargapadenobhayaprāptinimittasattvādubhayakāmanāsattvācca pratidinameva tantreṇobhayasiddhirityāṅaḥ | tadayamatra prayogaḥ | a(tha)kṛtavaidhayāceṇa prācyāṃ gotamāśramāt prāk pūrvvadine uṣitvā praveśadine prātaḥsnānādi kṛtvā prayāgapraveśanādisaṅkalpaḥ karaṇīyaḥ | tadyathā, - oṃ adya prayāgamaṇḍalabhūbhyadhikara ekamatkarttavyagamanapadasamasaṅkhyāśvamedhaphalaprāptikāmaḥ prayāgamaṇḍalapraveśapūrvvakatadbhūbhyadhikaraṇakagamanamahaṃ kariṣye | iti saṅkalpya prayāgaṃ prāpyādāvuddhṛtodakena snātvā tataḥ śucirvveśau praviśya amāghe, - oṃ adya viṣṇupuragamanakāmo gaṅgāyāmunasaṅgame snānamahaṃ kariṣye iti saṅkalpya svaśākhoktavidhinā tadajñāne sarvvasādhāraṇavidhinā snāyāt | māghe tu, - adya kurukṣetrādhikaraṇaka ravigrahaṇakālīnabrāhmaṇasampradānakasuvarṇabhārasahasradānajanyaphalasamaphalaprāptikāmo māghe veṇyāṃ snānamahaṃ kariṣye iti saṅkalpya snāyāt | sitāsitapravāhasambhedāvacchinna viṃśatidhanuravacchinne paścimavāhigaṅgāpravāhe yāmunapravāhakavvūre sthāne, - oṃ adyāpunarāvṛttikāmo māghe sitāsite snānamahaṃ kariṣye | tatraiva satyavāditva jitakrodhatvāhiṃsāparatva dharmānusāritva tattvajñatva-gobrāhmaṇahitaparatvaviśiṣṭasya snāne kilviṣavimuktimanasvincitapuṣkalakāmaprāptiḥ phalam | taditthaṃ prayogaḥ,— oṃ adya kilviṣavimukti-mokṣaprāptikāmo gaṅgāyamunayormadhye snānamahaṃ kariṣye | kāmyāntarapakṣe muktipadamapahāya tadeva nāmagrāhaṃ prayojyam | athaivaṃ snātvā nityakarma devārcanāntaṃ kṛtvā,— oṃ adya gaṅgāpatiyyadyāvacchedanīya keśalomasamasaṅkhya brahmavarṣāvacchinna svargalokamahitatvakāmo gaṅgāyāṃ vapanamahaṃ kārayiṣye | iti saṅkalpya sthalopaviṣṭastathā vāpayedyathā svayameva keśādīni gaṅgāyāṃ patanti | tata oṃ adya svargaprāptikāmastīrthopavāsamahaṃ kariṣye | ityupavaset | brahmalokaprāptiḥ phalamasyeti kecit | tataḥ,—śrāddhādhikāriṇā tīrthaprāptinimittakaṃ pārvaṇañca kāryyam | tadasampattau ṣaṭpuruṣapiṇḍadānamapi | vastutastu naimittikatayāpyupavāsānuṣṭhānasambhavo viśvajinnyāyena phalakalpanāgauravādyamupavāso niṣphala eva deśanābalāt | tataścānenaivopavāsena sampannādhikārastaduttaradine ṛṇamocanatīrthe snāyāt | tathā hi,—kambalāśvatarapūrve prayāgayāmabhittimabhivyāpya uttarakūlāvicchannayamunāyāmṛṇamocanatīrtham | tatra oṃ adya sakalarṇavimuktisvargalokāvāpyamṭatatvakāmaḥ ṛṇamocanatīrthe snānamahaṃ kariṣye iti saṅkalpya snānatarpaṇe kuryyāt | prātaḥsnāne tu, – oṃ adya gajapatimahārājatvabhavanakāmo gaṅgāyamunāsaṅgame mākarabhāskarodaye snānamahaṃ kariṣye | oṃ saṃvatsaraśatāvacchinna1 yogābhyāsajanyapuṇya-samapuṇyaprāptikāmo'dyādi prayāge māghe tryahaṃ prātaḥsnānamahaṃ kariṣye | tathā,– pāpavimuktipūrvaka svargagamanakāmo'dyādi prayāge māghe tryahaṃ snānamahaṃ kariṣye | śromadyāśvamedhasahasrajanyaphalasamaphalaprāptikāmo adyādi prayāge māghe snānamahaṃ kariṣye | oṃ muktiprāptikāmo'dyādiprayāge māghe tryahaṃ snānamahaṃ kariṣye | tathā – oṃ sakalanirayāmajjanadevavatsvargavāsakāmo'dyādi prayāge māghe snānamahaṃ kariṣye | tathā māghausannihitagrahasnāne,– oṃ satpauryyakṛtabahusambhāra yathāvidhiśor̤aśāśvamedha-brāhmaṇasampredānakaparvvatopamadhānyarāśidāna-devatābhakti-gosuvarṇadānajanyaphalasamaphalaprāptikāmo'dyādi prayāge tryahaṃ snānamahaṃ kariṣye | madhyadeśīyāstu paṭhanti, – amā'rkapātaśravaṇairyuktā cet pauṣamāghayoḥ | arddhodayaḥ sa vijñeyaḥ sūryyaparvvaśatādhikaḥ || pāto vyatīpātaḥ prātyahikayogagaṇapaṭhitaḥ