Tirthacintamani 3.p41

3.p41

mucyate sarvvapāpebhyo gacchati paramaṃ padam || tathā,– pañcayojanavistīrṇe prayāgasya tu maṇḍale| vyatītān puruṣān sapta bhāvinastu caturddaśa| narastārayate sarvvān yastu prāṇān parityajet || tathā,– yenaiva niḥsṛtā gaṅgā tenaiva yamunā gatā– ityupakramya,– prāṇāṃstyajati yastatra sa yāti paramāṃ gatim| agnitīrthamiti khyātaṃ dakṣiṇe yamunāsaṭe || paścimaṃ dharmarājasya tīrthantu narakaṃ smṛtam| tatra snātvā divaṃ yānti ye mṛtāste'punarbhavāḥ || tathā yamunottarataṭaṃ prakramya,– anye ca bahavastīrthāḥ sarvvapāpaharāḥ smṛtāḥ| teṣu snātā divaṃ yānti ye mṛtāste'punarbhavāḥ || gaṅgā ca yamunā caiva ubhe tulyaphale smṛte| kevalaṃ jyeṣṭhabhāvena gaṅgā sarvvatra pūjyate || tathā,– janmāntarasahasreṇa yogo labhyeta vā na vā| tathā yogasahasreṇa yogo labhyeta vā na vā || yastu sarvvāṇi ratnāni brāhmaṇebhyaḥ prayacchati| tena dānena dattena yogo labhyeta vā na vā || prayāge tu mṛtasyedaṃ sarvvaṃ bhavati nānyathā| prayāgaṃ smarato'nyatrāpi maraṇe phalamuktañcaiva,– deśastho yadi vā'raṇye videśe yadi vā gṛhe| prayāgaṃ smaramāṇo'pi yastu prāṇān parityajet || brahmalokamavāpnoti vadanti ṛṣipuṅgavāḥ | sarvvakāmaphalā vṛkṣā mahī yatra hiraṇmayī || ṛṣayo munayaḥ siddhāstatra loke sa gacchati | strīsahasrākule ramye mandākinyāstaṭe śubhe || modate ṛṣibhiḥ sārddhaṃ sukṛteneha karmmaṇā | siddhacāraṇagandharvaiḥ pūjyate divi daivataiḥ || tataḥ svargāt paribhraṣṭo jambuddīpapatirbhavet | tataḥ śubhāni karmmāṇi cintayānaḥ1 punaḥ punaḥ || guṇavān vittasampanno bhavatīti na saṃśayaḥ | karmmaṇā manasā vācā tasya dharmmo vyavasthitaḥ