Tirthacintamani 3.p6

3.p6

sarayūgaṇḍakī sindhuścandrabhāgā ca kauśikī | tāpī godāvarī bhīmā payoṣṇī kṛṣṇakauśikī1 || kāverī tuṅgabhadrā ca yāścānyāśca samudragāḥ | tāsu snāyī naro yāti svargaloke vikalmaṣaḥ || naimiṣe viṣṇusārūpyaṃ puṣkare brahmaṇo'ntikam | ākhaṇḍalasya loko hi kurukṣetre ca māghataḥ || māgho devahrade2 vipra yogasiddhifalapradaḥ | prabhāse makarāditye māghe rudragaṇo bhavet || devakyāṃ devatādeho naro bhavati māghataḥ | māghasnānena bho vipra gomatyāmapunarbhavaḥ || hemakūṭe mahākāle oṃkāre hyapare tathā | nīlakaṇṭhārbude māghādrudraloke mahīyate || sarvāsāmaṃ saritāṃ vipra saṅgame makare ravau | snānena sarvakāmānāmavāptirjāyate nṛpa || māghastu prāpyate dhanyaiḥ prayāge dvijasattama | apunarbhavadaṃ tatra sitāsitajalaṃ yataḥ || 3gāyanti devāḥ satataṃ diviṣṭhā māghaḥ prayāge kila no bhaviṣyati | snātā narā yatra na garbhavedanāṃ paśyanti tiṣṭhanti ca viṣṇusannidhau