Tirthacintamani 3.p7
Tīrthacintāmaṇi 3.p7
- Language
- Sanskrit
3.p7
tathā— tīrthairvratairdānatapobhiradhvaraiḥ sārddhaṃ vidhātrā tulayā dhṛtaḥ purāḥ | māghaḥ prayāgaśca tayordvayorabhūt māgho garīyāṃśca tayośca so'dhikaḥ || vāyvambuparṇāśana-dehaśoṣaṇaistapobhirugraiścirakālasañcitaiḥ | yogaiśca saṃprāpti narāśca yāṃ gatiṃ snānāt prayāgasya hi yānti tāṃ gatim || snātā hi ye mākarabhāskarodaye tīrthe prayāge surasindhusaṅgame | teṣāṃ gṛhaddāramalaṅkaroti bhṛṅgāvalī kuñjarakarṇacālitā 1 || yo rājasūyāśvamedhayajñataḥ snānāt phalaṃ sampradadāti cākhilam | pāpāni sarvvāṇi viśuṣya līlayā nūnaṃ prayāgaḥ sa kathaṃ na varṇyate || tathā samayamāce ca— caturvedeṣu yatpuṇyaṃ satyavādeṣu caiva hi | snāta eva tadāpnoti gaṅgāyāmunasaṅgame