Tirthacintamani 4.p1

4.p1

tatra brahmapurāṇe brahmārṣisambāde brahmavākyam,– pṛthivyāṃ bhārataṃ varṣaṃ karmabhūmirudāhṛtā | na khalvanyatra martyānāṃ bhūmau karma vidhīyate || tatrāste bhārate varṣe dakṣiṇodadhisaṃsthitaḥ | oḍradeśa iti khyātaḥ svargamokṣapradāyakaḥ || samudrāduttaraṃ tāvad yāvadvirajamaṇḍalam | deśo'sau puṇyaśīlānāṃ guṇaiḥ sarvvairalaṅkṛtaḥ || santi tīrthāni puṇyāni puṇyānyāyatanāni ca | utkale tu muniśreṣṭha veditavyāni tāni vai || samudrasyottare tīre tasmin deśe dvijottamāḥ | āste guhyaṃ paraṃ sthānaṃ muktidaṃ pāpanāśanam || sarvvatra vālukākīrṇaṃ pavitraṃ sarvvakāmadam | daśayojanavistīrṇaṃ kṣetraṃ paramadurlabham || nadī tatra mahāpuṇyā vindhyapādavinirgatā | citrotpaleti1 vikhyātā sarvvapāpaharā śubhā || tathā,– nakṣatrāṇāṃ yathā somaḥ sarasāṃ sāgaro yathā | tathā samastatīrthānāṃ variṣṭhaṃ puruṣottamam || vasūnāṃ pāvako yadvadrudrāṇāṃ śaṅkaro yathā