Tirthacintamani 4.p2
Tīrthacintāmaṇi 4.p2
- Language
- Sanskrit
4.p2
tathā samastatīrthānāṃ variṣṭhaṃ puruṣottamam || 1[ śikhariṇāṃ yathā meruḥ parvvatānāṃ himālayaḥ | tathā samastatīrthānāṃ variṣṭhaṃ puruṣottamam || senānīnāṃ yathā skandaḥ siddhānāṃ kapilo yathā | tathā samastatīrthānāṃ variṣṭhaṃ puruṣottamam || airāvato gajendrāṇāṃ maharṣīṇāṃ bhṛguryathā | tathā samastatīrthānāṃ variṣṭhaṃ puruṣottamam || uccaiḥśravā yathāśvānāṃ kavīnāmuśanā yathā | tathā samastatīrthānāṃ variṣṭhaṃ puruṣottamam || munīnāñca yathā vyāsaḥ kuvero yakṣa-rakṣasām | tathā samastatīrthānāṃ variṣṭhaṃ puruṣottamam || 2[ indriyāṇāṃ mano yadvadbhūtānāmavanī yathā | tathā samastatīrthānāṃ variṣṭhaṃ puruṣottamam || aśvatthaḥ sarvvavṛkṣāṇāṃ pavanaḥ pavatāṃ yathā | tathā samastatīrthānāṃ variṣṭhaṃ puruṣottamam || ] arundhatī yathā strīṇāmastrāṇāṃ kuliśo yathā | tathā samastatīrthānāṃ variṣṭhaṃ puruṣottamam || akāraḥ sarvvavarṇānāṃ gāyatrī chandasāṃ yathā | tathā samastatīrthānāṃ variṣṭhaṃ puruṣottamam || ] varṇānāṃ brāhmaṇo yadvat vainateyaśca pakṣiṇām