Tirthacintamani 4.p13

4.p13

• cintāviṣṭastvabhūdrājā divārācau na śerate | na bhuṅkte vividhān bhogān na ca khānaṃ prasādhanam || śailamṛddārujā vāpi praśastā yā mahītale | viṣṇoḥ pratimayogyāśca sarvvalakṣaṇalacitāḥ || eteṣāṃ vai trayāṇāntu praśastaṃ yat surārcitam | sthāpite prītimabhyeti dūti cintāparo'bhavat || pañcarātravidhānena sampūjya puruṣottamam | cintāviṣṭo mahīpālaḥ saṃstotumapacakrame || indradyumna uvāca– vāsudeva namaste'stu namaste mokṣakāraṇa | trāhi māṃ sarvvalokeśa janmasaṃsārasāgarāt || nirmalāmbarasaṅkāśa namaste puruṣottama | saṅkarṣaṇa namaste'stu trāhi māṃ dharaṇīdhara || namaste hemagarbhābha namaste makaradhvaja | ratikānta namaste'stu trāhi māṃ śambarāntaka || namaste'ñjanasaṅkāśa namaste bhaktavatsala | aniruddha namaste'stu trāhi māṃ varado bhava || namaste vibudhāvāsa namaste vibudhapriya | nārāyaṇa namaste'stu trāhi māṃ śaraṇāgatam || namaste balināṃ śreṣṭha namaste lāṅgalāyudha | namaste vibudhaśreṣṭha namaste kamalodbhava || caturmukha jagaddhāma trāhi māṃ prapitāmaha