Tirthacintamani 4.p12

4.p12

sthāpanañcaiva prāsāde sarvveṣāṃ bhuvanottame | anantavāsudevasya darśane guṇakīrttanam || śvetamādhavamāhātmyaṃ svargadvārasya varṇanam | udadharddarśanaṃ caiva snānaṃ tarpaṇameva ca || samudrasnānamāhātmyaṃ indradyumnasya bho dvijāḥ | pañcatīrthaphalañcaiva mahājyaiṣṭhyāṃ tathaiva ca || 1snānaṃ kṛṣṇasya halinaḥ 2sarvvayātrāphalaṃ tathā | varṇanaṃ viṣṇulokasya kṣetrasya ca punaḥ svayam || pūrvvaṃ kathitavān tathyaṃ tasmai sa puruṣottamaḥ | ṛṣaya ucuḥbrūhi no devadeveśa yat pṛcchāmi purātanam | yathā tāḥ pratimāḥ pūrvvamindradyumnena nirmitāḥ || kena caiva prakāreṇa tuṣṭastasmai sa mādhavaḥ | tat sarvvaṃ vada cāsmākaṃ paraṃ kautūhalaṃ hi naḥ || brahmovācaśṛṇudhvaṃ muniśārdūlāḥ purāṇaṃ vedasammitam | kathayāmi purāvṛttaṃ pratimānāñca sambhavam || pravṛtte ca mahāyajñe prāsāde ca vinirmite | cintā tasya babhūvātha pratimārthamaharniśam || na vedmi kena deveśa sarvveṣāṃ lokabhāvanam | sargasthityantakarttāraṃ paśyāmi puruṣottamam