Tirthacintamani 4.p144

4.p144

tataḥ srānaṃ prakurvvīta vidhivatsusamāhitaḥ || yasya yo vidhiruddiṣṭa ṛrṣibhiḥ srānakarmmaṇi | tenaiva tu vidhānena srānaṃ tasya vidhīyate || srātvā samyagvidhānena tato devānṛṣīn pitṝn | santarpayettathā'nyāṃśca nāmagotravidhānavit || uttīyyai vāsasī dhaute nirmmale paridhāya vai | upaspṛśya vidhānena bhāskarābhimukhastataḥ || gāyatrīṃ pāvanīṃ devīṃ manasā vedamātaram | sarvvapāpaharāṃ puṇyāṃ japtā cāṣṭottaraṃ śatam || puṇyāṃśca sauramantrāṃśca śraddhayā susamāhitaḥ | triḥ pradakṣiṇamāvṛtya bhāskaraṃ praṇamettataḥ || vedoktaṃ triṣu varṇeṣu srānaṃ japyamudāhṛtam | strī-śūdrayoḥ srānamevaṃ' vedoktavidhivarjitam || tato gacchedṛgṛhaṃ maunī pūjayet puruṣottamam | prakṣālya hastau pādau ca upaspṛśya yathāvidhi || ghṛtena srāpayeddevaṃ kṣīreṇa tadanantaram | madhu-gandhodakenaiva tīrthacandanavāriṇā || tato vastrayugaṃ śreṣṭhaṃ bhaktyā taṃ paridhāpayet | pūjayetparayā bhaktyā padmeśca puruṣottamam | anyaiśca vaiṣṇavaiḥ puṣpai racaiyenmallikādibhiḥ