Tirthacintamani 4.p145

4.p145

sampūjyaivaṃ jagannāthaṃ bhukti-muktipradaṃ harim | dhūpañcāgurusaṃyuktaṃ daheddevasya 1 cāyutaḥ || guggulaṃ ca muniśreṣṭhā daheddhṛtasamanvitam | dīpaṃ prajvālayedbhaktyā yathāśaktyā ghṛtena vai || anyāṃśca dīpakān dadyādvādaśaiva samāhitaḥ | ghṛtena ca muniśreṣṭhāstilatailena vā punaḥ || naivedye pāyasā'pūpa-śaṣkulī-vaṭakaṃ tathā | modakaṃ phāṇitaṃ cānyaphalāni ca nivedayet || evaṃ pañcopacāreṇa sampūjya puruṣottamam | oṃ—namaḥ puruṣottamāyeti japedaṣṭottaraṃ śatam || tataḥ prasādayeddevaṃ bhaktyā taṃ puruṣottamam | namaste sarvvalokeśa bhaktānāmabhayaprada ! || saṃsārasāgare magnaṃ trāhi māṃ puruṣottama ! | yāste mayā kṛtā yātrā dvādaśaiva jagatpate ! || prasādāttava govinda sampūrṇāstā bhavantu me | evaṃ prasādya taṃ devaṃ daṇḍavat praṇipatya ca || tato'rccayedguruṃ bhaktyā puṣpavastrānulepanaiḥ | nānayorantaraṃ yasmādvidyate munisattamāḥ || devasyopari kurvīta śraddhayā susamāhitaḥ | nānāpuṣpairmuneśreṣṭhā vicitraṃ puṣpamaṇḍalam2