Tirthacintamani 4.p15

4.p15

paramaṃ tava yadrūpaṃ bhāvābhāvavivarjitam || nirlepaṃ nirmalaṃ sūkṣmaṃ kūṭasthamakṣayaṃ dhruvam | sarvvopādhivinirmuktaṃ sattāmātravyavasthitam || tvāṃ devā hi na jānanti kathaṃ jānāmyahaṃ prabho | aparaṃ tava yadrūpaṃ pītavastraṃ caturbhujam || śaṅkhacakragadāpāṇiṃ mukuṭāṅgadadhāriṇam | śrīvatsoraskasaṃyuktaṃ1 vanamālāvibhūṣitam || tadarcayanti vibudhā ye cānye tava saṃśrayāḥ | deva sarvvasuraśreṣṭha bhaktānāmabhayaprada || trāhi māṃ cārupadmākṣa magnaṃ viṣayasāgare | nānyaṃ paśyāmi lokeśa yasyāhaṃ śaraṇaṃ vraje || tvāmṛte kamalākānta prasīda madhusūdana | jarāvyādhiśatairyukto nānāduḥkhairnipīḍitaḥ | harṣaśokānvito mūḍhaḥ karmapāśaiḥ suyantritaḥ | patito'haṃ mahāraudre ghore saṃsārasāgare || viṣayodakaduṣpāre rāgadveṣajhaṣākule2 | indriyāvarttagambhīre tṛṣṇāśokormisaṅkule || nirāśrarye nirālambe niḥsāre'tyantacañcale | māyayā mohitaścātra bhramāmi suciraṃ prabho || nānājātisahasreṣu jāyamānaḥ punaḥ punaḥ