Tirthacintamani 4.p16

4.p16

mayā janmānyanekāni sahasrāṇyayutāni ca || vividhānyanubhūtāni saṃsāre'smin janārddana | vedāḥ sāṅgā mayādhītāḥ śāstrāṇi vividhāni ca | itihāsapurāṇāni tathā śilpān‍yanekaṇaḥ | asantoṣāśca santoṣāḥ sañcayāpacayā vyayāḥ || mayā prāptā jagannātha kṣayavṛddhūdyetarāḥ1 | bhāryyārimitrabandhūnāṃ viyogaḥ saṅgamāstathā || pitaro vividhā dṛṣṭā mātaraśca tathā mayā | duḥkhāni cānubhūtāni mayā saukhyānyanekaṇaḥ || prāptāśca bāndhavāḥ putrā bhrātaro jñātayastathā | mayoṣitaṃ tathā strīṇāṃ koṣṭhe vinmūtrapicchile || garbhavāse mahatduḥkhamanubhūtaṃ tathā prabho | duḥkhāni yānyanekāni bālyayauvanagocare | vārddhake ca hṛṣīkeśa tāni prāptāni vai mayā || maraṇe yāni duḥkhāni yamamārge yamālaye | mayā tānyanubhūtāni narake yātanākule2 || kṛmikīṭadrumāṇāñca hastyaśvamṛgapakṣiṇām | mahiṣāṇāṃ gavāñcaiva tathānyeṣāṃ vanaukasām || dvijātīnāñca sarvveṣāṃ śūdrāṇāñcaiva yoniṣu |dhanināṃ 3śrotriyāṇāñca daridrāṇāṃ tapasvinām