Tirthacintamani 4.p150

4.p150

vaṭarājasamīpe tu dakṣiṇodadhestaṭe | dṛṣṭo yairbhagavān kṛṣṇaḥ puṣkarākṣo jagatpatiḥ | krīr̤antyapsarasaiḥ sārddhaṃ yāvadvyomacandratārakam || prataptahemasaṅkāśā jarāmaraṇavarjjitāḥ | sarvvaduḥkhavihīnāśca tṛṣṇā-glānivivarjjitāḥ || caturbhujā mahāvīryyā vanamālāvibhūṣitāḥ | śrīvatsorāsi' saṃyuktāḥ śaṅkhacakragadādharāḥ || kecinnīlotpalaśyāmāḥ kecitkāñcanasannibhāḥ | śyāmavarṇāḥ kuṇḍalinastamanye vajrasannibhāḥ || vicaranti pure divye rūpa-yauvanagarvitāḥ | kṛṣṇaṃ rāmaṃ subhadrāñca paśyanti puruṣottame || viṣṇulokātparaṃ lokaṃ nā'tra paśyāmi bho dvijāḥ | ye lokāḥ svargaloke tu śrūyante puṇyakarmaṇām || viṣṇulokasya te lokāḥ kalāṃ nārhanti ṣoḍaśīm | na tatra nāstikā yānti puruṣā viṣayāsakāḥ || kṛtaghnā nāpi piśunā na stenā nājitendriyāḥ | ye'rcayanti sadā bhaktyā vāsudevaṃ jagadgurum || te tatra vaiṣṇavā yānti viṣṇulokaṃ na saṃśayaḥ | dakṣiṇasyodadhestīre kṣetre paramadurlabhe || kalpavṛkṣasamīpe tu ye tyajanti kalevaram | te'pi tatra narā yānti ye mṛtāḥ puruṣottame