Tirthacintamani 4.p17

4.p17

nṛpāṇāṃ nṛpabhṛtyānāṃ tathānyeṣāñca dehinām | gṛheṣu teṣāmutpanno deva cāhaṃ punaḥ punaḥ || gato'smi dāsatāṃ nātha bhṛtyatāṃ bahuśo nṛṇām | daridratvaṃ ceśvaratvaṃ svāmitvañca tathā gataḥ || hataṃ mayā hataścānyairghatitaṃ ghātitastathā | dattaṃ mamānyairanyebhyo mayā dattamanekaṇaḥ || pitṭa-mātṛ-suhṛdvandhu kalatrāṇāṃ kṛtena ca | ahaṃ kṛttvā'sakṛddainyamaśrudhautānano gataḥ || deva tiryyaṅmanuṣyeṣu careṣu sthāvareṣu ca | na vidyate ca tatsthānaṃ yatrāhaṃ na gataḥ prabho || kadā me narake vāsaḥ kadā svarge jagatpate | kadā manuṣyalokeṣu kadā tiryyaggateṣu ca || jalyantre yathā cakre ghaṭau rajjunibandhinī | yāti corddhamadhaścaiva kadā madhye ca tiṣṭhati || tathā cāhaṃ suraśreṣṭha karmmarajjusamāśritaḥ | adhaścorddhaṃ tathā madhye gacchāmi bhramayogataḥ || evaṃ saṃsāracakre'smin bhairave lomaharṣaṇe | bhramāmi suciraṃ kālaṃ nāntaṃ paśyāmi karhicit || na jāne kiṃ karomyadya hare vyākuletendriyaḥ | śokaṭaṣṇābhibhūtaśca kāṃ diśaṃ yāmyacetanaḥ 1