Tirthacintamani 4.p19

4.p19

brahmovācaityaṃ stutastadā tena prasanno garur̤adhvajaḥ | dadau tasmai muniśreṣṭhāḥ saphalaṃ manasepsitam || yaḥ sampūjya jagannāthaṃ pratyahaṃ stauti mānavaḥ | stotreṇānena matimān sa mokṣaṃ labhate dhruvam || trisandhyaṃ yo japedvidvānidaṃ stotravaraṃ śuciḥ | dharmmañcārthañca kāmañca mokṣañca labhate naraḥ || yaḥ paṭhet śṛṇuyādvāpi śrāvayedvā samāhitaḥ | sa lokaṃ śāśvataṃ viṣṇoryāti nirdhūtakalmaṣaḥ || dhanyaṃ pāpaharañcedaṃ 1bhakti-muktipradaṃ śubham | guhyaṃ sudurlabhaṃ puṇyaṃ na deyaṃ yasya kasyacit || na nāstikāya mūrkhāya2 na kṛtaghnāya mānine | na duṣṭamataye dadyānnābhaktāya kadācana || dātavyaṃ bhaktiyuktāya guṇaśīlānvitāya ca | viṣṇubhaktāya śāntāya śraddhānuṣṭhānaśāline || idaṃ samastāghavināśahetuḥ kāruṇyasaṃjñaṃ sukhamokṣadañca | aśeṣavāñchāphaladaṃ variṣṭham stotraṃ mayoktaṃ puruṣottamasya