Tirthacintamani 4.p20

4.p20

ye taṃ susūkṣmaṃ viśadāmbarābham dhyāyanti nityaṃ puruṣaṃ purāṇam | te muktibhājaḥ praviśanti viṣṇum mantrairyathā''jyaṃ hutamadhvarāgnau || ekaḥ sa devo bhavaduḥkhahantā paraḥ pareṣāṃ na tato'sti cānyaḥ | sraṣṭā sa pātā sa tu cāntakarttā viṣṇuḥ samastākhilasārabhūtaḥ || kiṃ vidyayā kiṃ 1suguṇaiśca teṣām yajñaiśca dānaiśca tapobhirugraiḥ | yeṣāṃ na bhaktirbhavatīha kṛṣṇe jagadgurau mokṣasukhaprade ca || loke sa dhanyaḥ sa śuciḥ sa vidvān makhaistapobhiḥ sa guṇairvariṣṭhaḥ | yajvā2 sa dātā sa tu satyavaktā yasyāsti bhaktiḥ puruṣottamākhye || stutvaivaṃ muniśārdūlāḥ praṇamya ca sanātanam | vāsudevaṃ jagannāthaṃ sarvvakāmaphalapradam || cintāviṣṭo mahīpālaḥ kuśānāstīryya bhūtale | vastrañca tanmanā bhūtvā suṣyāpa dharaṇītale