Tirthacintamani 4.p21

4.p21

kathaṃ pratyakṣamadhyeti devadevo janārddanaḥ | mama cārttiharo devastadā'sāviti cintayan || suprasya tasya nṛpatervāsudevo jagadguruḥ | ātmānaṃ darśayāmāsa svapne tasmai sa cakradhṛk1 || sa dadarśa tu svapne vai devadevaṃ jagadgurum | śaṅkhacakradharaṃ devaṃ gadāpadmāgrapāṇinam || śārṅgavāṇāsiyuktañca jvalattejo'gramaṇḍalam | yugāntādityavarṇābhaṃ nīlavaidūryyasannibham || suparṇapṛṣṭhamāsīnaṃ ṣoḍaśārddhabhujaṃ śubham | tañcāsau prānnavīdgaurāḥ sādhu rājan mahāmate || kratunā'nena divyena tathā bhaktyā ca śraddhayā | tuṣṭo'smi te mahīpāla vṛthā kimanuśocasi || yadattha pratimā rājan rājapūjyā sanātanī | yathā tāṃ prāpsyate bhūpa tadupāyaṃ bravīmi te || gatāyāmadya śarvvaryyāṃ nirmale bhāskarodaye | sāgarasya jalasyānte nānādrumavibhūṣite || jalaṃ tathaiva velāyāṃ dṛśyate yatra vai mahat | lavaṇasyodadhe rājan taraṅgaiḥ samabhiplutam || kūlāvalambī mahāvṛkṣaḥ sthitaḥ sthalajaleṣu ca | velābhirhanyamānaśca na cāsau kampate dhruvam2