Tirthacintamani 4.p3

4.p3

tathā samastatīrthānāṃ variṣṭhaṃ puruṣottamam || pramadānāṃ yathā lakṣmīḥ saritāṃ jāhnavī yathā | tathā samastatīrthānāṃ variṣṭhaṃ puruṣottamam || sarvvāṅgebhyo yathā śreṣṭhamuttamāṅgaṃ dvijottamāḥ | tathā samastatīrthānāṃ variṣṭhaṃ puruṣottamam || yathā samastavidyānāṃ mokṣavidyā parā smṛtā | tathā samastatīrthānāṃ variṣṭhaṃ puruṣottamam || manuṣyāṇāṃ yathā rājā dhenūnāmapi kāmadhuk | tathā samastatīrthānāṃ variṣṭhaṃ puruṣottamam || bhūṣaṇānāntu sarvveṣāṃ yathā cūr̤āmaṇirvaraḥ | tathā samastatīrthānāṃ variṣṭhaṃ puruṣottamam || suvarṇaṃ sarvvaratnānāṃ sarpāṇāṃ vāsukiryathā | tathā samastatīrthānāṃ variṣṭhaṃ puruṣottamam || prahlādaḥ sarvvadaityānāṃ rāmaḥ śastrabhṛtāṃ yathā | tathā samastatīrthānāṃ variṣṭhaṃ puruṣottamam || jhaṣāṇāṃ makaro yadvanmṛgāṇāṃ mṛgarāḍ yathā | tathā samastatīrthānāṃ variṣṭhaṃ puruṣottamam || varuṇo yādasāṃ yadvadyamaḥ saṃyamatāṃ yathā | tathā samastatīrthānāṃ variṣṭhaṃ puruṣottamam || samudrāṇāṃ yathā śreṣṭhaḥ kṣīrodaḥ saritāṃ patiḥ | tathā samastatīrthānāṃ variṣṭhaṃ puruṣottamam || devarṣīṇāṃ yathā śreṣṭho nārado dvijasattamāḥ | tathā samastatīrthānāṃ variṣṭhaṃ puruṣottamam || purodhasāṃ yathā jīvaḥ kālaḥ kalayatāṃ yathā | tathā samastatīrthānāṃ variṣṭhaṃ puruṣottamam || dhanānāṃ kāñcanaṃ yaddat pavitrāṇāṃ ca dakṣiṇā | tathā samastatīrthānāṃ variṣṭhaṃ puruṣottamam || aśvamedhastu yajñānāṃ yathā śreṣṭhaḥ prakīrttitaḥ | tathā samastatīrthānāṃ variṣṭhaṃ puruṣottamam || oṣadhīnāṃ yathā dhānyaṃ tṛṇeṣu tṛṇarāḍ yathā | tathā samastatīrthānāṃ variṣṭhaṃ puruṣottamam || yathā samastadharmmāṇṇāṃ dharmmaḥ saṃsāratārakaḥ | tathā samastatīrthānāṃ variṣṭhaṃ puruṣottamam || satyaṃ satyaṃ punaḥ satyaṃ kṣetraṃ tat paramaṃ mahat | puruṣākhyaṃ sakṛddṛṣṭvā sāgarāmbhaḥ sakṛnmṛtam | brahmavidyāṃ sakṛd jñātvā1 garbhavāso na vidyate