Tirthacintamani 4.p32

4.p32

brahmovācaśrutvaivaṃ vāsudevasya vacanaṃ tasya bho dvijāḥ | romāñcitatanurbhūtvā idaṃ stotraṃ jagau nṛpaḥ || rājovācaśriyaḥ kānta namaste'stu śrīpate pītavāsase | śrīda śrīśa śrīnivāsa namaste śrīniketana || ādyaṃ puruṣamīśānaṃ sarvveśaṃ sarvvatomukham | niṣkala paraṃ devaṃ praṇato'smi sanātana || śabdātītaṃ guṇātītaṃ bhāvābhāvavivarjitam | nirlepaṃ nirguṇaṃ sūkṣma sarvvajñaṃ sarvvabhāvanam || prāvṛṭmeṣapratīkāśaṃ go-brāhmaṇahite ratam | sarvveṣāmeva goptāraṃ vyācinaṃ sarvvabhāvanam || śaṅkhacakradharaṃ devaṃ gadāmuśaladhāriṇam | namasye varadaṃ devaṃ nīlotpaladalacchavim || nāgaparyyaṅkaśayanaṃ kṣīrodārṇavavāsinam1 | namasye'haṃ hṛṣīkeśaṃ sarvvapāpaharaṃ harim || punastvāṃ devadeveśa namasye varadaṃ vibhum | sarvvalokeśvaraṃ viṣṇuṃ mokṣakārakamavyayam || brahmovācaevaṃ stutvā tu taṃ devaṃ praṇipatya kṛtāñjaliḥ | uvāca praṇato bhūtvā nipatya vasudhātale