Tirthacintamani 4.p34

4.p34

thaṃ prāpya paramānandaṃ prāpsyase paramāṃ gatim || kīrttiśca tava rājendra bhavatvatra mahītale | yāvaddharā nabho yāvat yāvaccandrārkatārakāḥ || yāvat samudrāḥ saptaiva yāvanmervyādiparvvatāḥ | tiṣṭhanti divi devāśca tāvat sarvvatra cāvyayāḥ || indradyumnasaro nāma tīrthaṃ yajñāṅgasambhavam | yatra snātvā marullokaḥ śakralokamavāpsyati || dāpayiṣyati yaḥ piṇḍāṃstatra1 tasmin saraḥśubhe | kulaikaviṃśamuddhṛtya śakralokaṃ gamiṣyati || pūjyamāno'psarobhiśca gandharvvairgītanisvanaiḥ | vimānenāvasettatra yāvadindrāścaturdaśa || saraso dakṣiṇe bhāge naiṛtyāṃ tu samāśrite | nyagrodhastiṣṭhate tatra tatsamīpe tu maṇḍapaḥ || ketakīvanasaṃchanno nānāpādapasaṅkulaḥ | āṣār̤hasya site pakṣe pañcamyāṃ pitṛdaivate || ṛkṣe neṣyanti nastatra nītvā saptadināni vai | maṇḍape sthāpayiṣyanti suveśyābhiḥ2 suśobhanaiḥ || krīr̤āviśeṣabahulernṛtyagītamanoharaiḥ | cāmaraiḥ svarṇadaṇḍaiśca vyajanai ratnabhūṣaṇaiḥ || vījayantyassadāsamdhaṃ sthāsyanti paramāṅganāḥ | brahmacārī yatiścaiva snātakāśca dvijottamāḥ