Tirthacintamani 4.p49

4.p49

vidhānaṃ tasya vakṣyāmi bhaktānāmupakārakam | yena prasīdate cāsau siṃhārddhakṛtavigrahaḥ || śa‍ṛṇudhvaṃ naraśārdūlāḥ kalparājaṃ sanātanam | narasiṃhasya tattvasya1 yanna jñātaṃ surāsuraiḥ || śākayāvakamūlaistu phalapiṇyākaśaktubhiḥ | payobhakṣyeṇa viprendro varttate sādhakeśvaraḥ || kāśakaupīnavāsāśca dhyānayukto jitendriyaḥ | araṇye vijane deśe parvvate nadīsaṅgame || ūṣare siddhakṣetre ca narasiṃhāśraye tathā | pratiṣṭhāpya svayaṃ cāpi pūjāṃ kṛtvā vidhānataḥ || dvādaśyāṃ śuklapakṣasya upoṣya munipuṅgavāḥ | japellakṣāṇi vai viṃśat manasā saṃyatendriyaḥ || upapātakayuktaśca mahāpātakasaṃyutaḥ | mukto bhavettato viprāḥ sādhako nātra saṃśayaḥ || kṛtvā pradakṣiṇaṃ tatra narasiṃhaṃ prapūjayet | gandhapuṣpādibhirdhūpaiḥ praṇamya śirasā prabhum || karpūracandanāktāni jātīpuṣpāṇi mastake | pradadyānnarasiṃhasya tataḥ siddhiḥ prajāyate || bhagavān sarvvakāryyeṣu na kvacit pratihanyate | soḍhuṃ na śaktāstaṃ sarvve brahmarudrādayaḥ surāḥ