Tirthacintamani 4.p50

4.p50

kiṃ punardānavā loke siddha-gandharvva-mānuṣāḥ | vidyādharā yakṣagaṇāḥ sakinnaramahoragāḥ || te sarvve pralayaṃ yānti dagdhā divyoyatejasā | 1sahasraprāgniśikhayā rakṣāṃ sarvvamupadravāt || dvirjapaṃ kavacaṃ divyaṃ rakṣate devadānavān| bhūtāḥ piśācarakṣāṃsi ye cānye paripanthinaḥ || triḥjapaṃ kavacaṃ divyaṃ abhayañca surāsuraiḥ | dvādaśābhyantareṇaiva yojanānāṃ dvijottamāḥ || rakṣate bhagavān devo narasiṃho mahābalaḥ | tato gatvā 2vipreśadvāramupoṣya rajanītrayam || pālāprakāṣṭhe prajvālya bhagavajjātavedasam | pālāśasamidhastatra juhuyāttrimadhuplutam3 || dve 'yute dvijaśārdūla kaṭakānakhasādhakaḥ4 | tato vivaradvārantu prakaṭaṃ jāyate kṣaṇāt || tato viśettu niḥśaṅkaḥ kavacī vivaraṃ budhaḥ | gacchataḥ saṃkaṭasthasya tamo mohaśca naśyati || rājamārgastu vistīrṇo dṛśyate bhagavadvijāḥ | narasiṃhaṃ smaraṃstatra pātāla viśate dvijaḥ