Tirthacintamani 4.p5

4.p5

ahaṃ rudraśca śakraśca devāścāgnipurogamāḥ | nivasāmo muniśreṣṭhāstasmin deśe sadā vayam | gandharvāpsarasaḥ siddhāḥ pitaro devamānuṣāḥ || yakṣā vidyādharāḥ sarve munayaḥ śaṃsitavratāḥ | ṛṣayo bāla'khilyādyāḥ kaśyapādyāḥ prajeśvarāḥ || gandharvāḥ kinnarā nāgāstathā'nye svargavāsinaḥ | sāṅgāśca caturo vedāḥ śāstrāṇi vividhāni ca || itihāsapurāṇāni yajñāśca 2sahadakṣiṇāḥ | nadyaśca vividhāḥ puṇyāstīrthānyāyatanāni ca || sāgarāśca tathā śailāstasmin deśe vyavasthitāḥ | evaṃ puṇyatame deśe devarṣipitṛsevite || sarvopabhogasahite vāsaḥ kasya na rocate | śreṣṭhatamasya deśasya kimanyadadhikaṃ3 tataḥ || āste tatra svayaṃ devo muktidaḥ puruṣottamaḥ | dhanyāste vibudhaprakhyā ye vasantyutkale narāḥ4 || tīrtharājajale snātvā paśyanti puruṣottamam | svarge vasanti te martyā na tu te vai yamālaye5 | ye vasantyutkale kṣetre puṇye śrīpuruṣottame || saphalaṃ jīvitaṃ teṣāmutkalānāṃ sumedhasām