Tirthacintamani 4.p6

4.p6

ye paśyanti sutāmroṣṭhaṃ prasannayatalocanam | cārubhrukeśamukuṭaṃ cārukarṇalatāñcitam9 || sunāsaṃ sukapolañca sullalāṭaṃ sulakṣaṇam | trailokyānnandajananaṃ kṛṣṇasya mukhapaṅkajam || purā kṛtayuge viprāḥ śakratulyaparākramaḥ | babhūva nṛpatiḥ śrīmānindradyumna iti śrutaḥ || satyavādī śucirdakṣaḥ sarvvaśastrabhṛtāṃ varaḥ | rūpavān subhagaḥ śūro dātā bhoktā priyambadaḥ || yaṣṭā samastayajñānāṃ brahmaṇyaḥ satyasaṅgaraḥ | dhanurvede ca vede ca śāstre ca nipuṇaḥ kṛtī || vallabho 3naranārīṇāṃ paurṇamāsyāṃ yathā śaśī | āditya iva duṣprekṣyo madhuraścandramā iva || vaiṣṇavaḥ satyasampanno jitakrodho jitendriyaḥ | adhyātmavidyānirato4 mumucurdharmmatatparaḥ || evaṃ so'pālayat pṛthvīṃ rājā sarvvaguṇākaraḥ tasya buddhiḥ samutpannā viṣṇorārādhanaṃ prati kathamārādhayiṣyāmi devadevaṃ jagārddanam | kasmin kṣetre'thavā tīrthe nadītīre tathāśrame || evaṃ cintāparaḥ so'tha nirīkṣya manasā mahīm