Tirthacintamani 4.p53

4.p53

punaśca dhārayet siktāṃ sapta(ja)saptena vāriṇā | atha tāṃ pratimāṃ dvāri nikhaned yasya sādhakaḥ || 1gotrotsādo bhavettasya uddhṛte caiva śāntidaḥ | tasmāttaṃ muniśārdūlā bhaktyā sampūjayet sadā || mṛgarājaṃ mahāvīryyaṃ sarvvakāmaphalapradam | dṛṣṭvā stutvā namaskṛtyā sampūjya narakeśarīm | prāpnuvanti narā rājyaṃ svargaṃ mokṣañca durlabham || narasiṃhaṃ naro dṛṣṭvā labhedabhimataṃ phalam | vimuktaḥ sarvvapāpebhyo viṣṇulokañca gacchati || sakṛddṛṣṭvā tu taṃ devaṃ bhaktyā siṃhavapurdharam | mucyate kalmaṣaiḥ sarvvai2rjanmakoṭisamudbhavaiḥ || saṃgrāme saṅkaṭe durge cauravyāghrādipīḍite | kāntāre prāṇasandehe viṣa-vahni-jaleṣu ca || rājādibhyaśca 3saṃgrāme graharogadipīḍite | smṛtvā taṃ puruṣaḥ sarvvairāpadebhya pramucyate || sūryodaye yathā nāśaṃ tamo'bhyeti mahattaram | tathā sandarśane tasya vināśaṃ yāntyupadravāḥ || guṭikāñjanapātālapādane 4paramālayam | narasiṃhe prasanne tu prāpnotyanyāṃśca vāñchitān