Tirthacintamani 4.p52

4.p52

hṛdante vai tataḥ śīghraṃ naśyeyurdāruṇā grahāḥ | bālānāṃ kaṇṭhake baddhaṃ rakṣā bhavati nityaśaḥ || gaṇḍa-piṇḍaka-lūtānāṃ nāśanaṃ kurute dhruvam | 1vyādhighāte samidbhista ghṛtakṣīreṇa homayet || trisandhyaṃ māsamekantu sarvvarogān vināśayet | asādhyaṃ nāsya paśyāmi tattvasya sacarācare || yāṃ yāṃ kāmayate siddhiṃ tāṃ tāṃ prāpnoti sa dhruvam | aṣṭottaraśatantvekaṃ pūjayitvā mṛgādhipam || mṛttikāḥ sapta valmīke śmaśāne ca catuṣpathe | raktacandanasaṃmiśrā gavāṃ kṣīreṇa lepayet || siṃhasya pratimāṃ 2kṛtvā pramāṇena ṣaḍaṅgulām | viśeṣeṇa bhūrjjapatre rocanayā samālikhet || narasiṃhasya kaṇṭhe tu baddhā caiva hi mantravit | japet saṃkhyāvihīnantu pūjayitvā jalāśaye || saptāhaṃ yāvanmantrantu japate saṃyatendriyaḥ | jalākīrṇā muhūrttena jāyate sarvvamedinī || athavā śuṣkavṛkṣāgre narasiṃhantu pūjayet | japtvā cāṣṭaśataṃ tattvaṃ varṣantaṃ vinivārayet || tamevaṃ piñchi(ñcha)ke baddhā bhrāmayet sādhakottamaḥ | mahāvāto muhūrttena āgacchennātra saṃśayaḥ