Tirthacintamani 4.p57

4.p57

sarvvapāpavinirmukto naro yāti paraṃ padam || sarvvalakṣaṇasaṃyuktaṃ puṇḍarīkāyatekṣaṇam | 1śrīvatsovakṣasaṃyuktaṃ suprasannaṃ caturbhujam || vanamālāhṛtoraskaṃ mukuṭāṅgadadhāriṇam | pītavastraṃ supīnāṃsaṃ kuṇḍalābhyāmalaṅkṛtam || śvetagaṅgāṃ naraḥ snātvā yaḥ paśyet śvetamādhavam | matsyākhyaṃ mādhavañcaiva śvetaddīpaṃ sa gacchati || munaya ūcuḥ | śvetamādhavamāhātmyaṃ vaktumarhasyaśeṣataḥ | vistareṇa jagannātha pratimāṃ tasya vai hareḥ || tathā tatraiva brahmovāca | abhūt kṛtayuge viprāḥ śveto nāma mahābalī | sa gatvā paramaṃ kṣetraṃ sāgaraṃ dakṣiṇāśrayam || śveto'tha kārayāmāsa prāsādaṃ śubhalakṣaṇam | 2dhanvantaraśatañcaikaṃ devadevasya dakṣiṇe || tataḥ śvetena viprendrāḥ śvetaśailamayena tu | kṛtaḥ sa bhagavān śvetamādhavaścendusannibhaḥ || śveto nāma rājā—taṃ prati bhagaddākyam | kuśāgreṇāpi rājendra śvetagāṅgeyamambu ca | spṛṣṭvā svargaṃ gamiṣyanti maṅgaktā ye samāhitāḥ