Tirthacintamani 4.p71

4.p71

oṃ adya brahmalokamahitatva-tadadhikaraṇakabahubrahmapuruṣasahita bahudevakanyāhṛta-tadupagīyamānasiddha-gandharvva-sevitasvīyayatheṣṭavipula bahubhogapūrvvakaihikavedavedāṅgavit śrīmadbhogavaccirajīvigajāśvarathamālyāḍhyadhanadhānyāvṛtaśucirūpa-bahubhāgyaputrapautrasamanvitabrāhmaṇatvabhavana-taduttarapuruṣottamaprāpti-vaṭamūlasāgarādhikaraṇakadehatyāgaharismaraṇapūrvvakaśāntapadagamanakāmo gamanapūrvvakaśvetamādhavapraṇāmamahaṃ kariṣye | iti saṅkalpya tatraiva padamekaṃ tadabhimukhaṃ gatvā praṇamet | tataḥ punaḥ śvetagaṅgāṃ gatvāoṃ adya śvetadvīpagamanakāmaḥ śvetagaṅgāsnānapūrvvakamatsyamādhavadarśanamahaṃ kariṣye | iti saṅkalpya śvetagaṅgāyāṃ vaidhasnānatarpaṇe kṛtvā matsyamādhavaṃ paśyet | oṃ adya nārāyaṇādhiṣṭhitaparamasthānagamana-taduttarapṛthivītalādhikaraṇaka-dātṛ-bhoktṛ-yajva-vaiṣṇava-satyasandharājatvabhavana-taduttara-hariyogaprāptipūrvvaka-mokṣāvāptikāmo matsyamādhavadarśanapraṇāmāvahaṃ kariṣye | iti saṅkalpya matsyamādhavadarśana-praṇāmau kuryyāt | iti jyeṣṭhaśukladvādaśīkṛtyam | brahmapurāṇemārkaṇḍeyahrade snānaṃ sarvvakālaṃ praśasyate | caturdaśīṃ viśeṣeṇa sarvvapāpapraṇāśanam || tadvat snānaṃ samudrasya sarvvakālaṃ praśasyate | paurṇamāsyāṃ viśeṣeṇa hayamedhaphalaṃ labhet || tathā— pūrṇimā jyeṣṭhamāsasya jyeṣṭhā ṛkṣaṃ yadā bhavet | tadā gacchedviśeṣeṇa tīrtharājaṃ paraṃ śubham || viśeṣeṇa iti vacanādanyatrāpi sāgarasnānamaviruddham | kāyavāṅmānasaiḥ śuddhastadbhāvo nānyamānasaḥ | sarvvadvandvavinirmukto vītarāgo vimatsaraḥ || kalpavṛkṣavaṭaṃ ramyaṃ yatra sākṣājjanārddanaḥ | pradakṣiṇaṃ prakurvīta (?) trayovārān samāhitaḥ || yaṃ dṛṣṭvā mucyate pāpāt saptajanmassamudbhavāt | puṇyañcāpnoti vipulaṃ gatimiṣṭāñca bho dvijāḥ || tasya nāmāni vakṣyāmi pramāṇañca yuge yuge | yathāsaṅkhyañca bho viprāḥ kṛtādiṣu yathākramam || vaṭaṃ vaṭeśvarañcaiva purāṇaṃ 'puruṣaṃ dvijāḥ | vaṭasyaitāni nāmāni kīrttitāni kṛtādiṣu || yojanaṃ pādahīnañca yojanāddhaṃ tadaddhaṃkam | pramāṇaṃ kalpavṛkṣasya kṛtādau parikīrttitam || pūrvoktena tu mantreṇa namaskṛtya tu taṃ vaṭam | dakṣiṇābhimukho gacchedanvantaraśatatrayam || yatrāsau dṛśyate 'citraṃ svargadvāraṃ manoramam | sāgarāmbhaḥ'samākṛṣṭaṃ kāṣṭhaṃ sarvvaguṇānvitam