Tirthacintamani 4.p72

4.p72

praṇipatya tatastasyau paripūjya tataḥ punaḥ | mucyate sarvvarogādyaistathā pāpairgrahādibhiḥ || ugrasenaṃ purā dṛṣṭvā svargadvāreṇa 'sāgaram | gatvācamya śucistatra dhyātvā nārāyaṇaṃ param || nyasedaṣṭākṣaraṃ mantraṃ paścāddhasta-śarīrayoḥ | (oṃ) namo nārāyaṇāyeti saṃvadanti manīṣiṇaḥ || kiṃ kāryyaṃ bahubhirmantrairmanovibhramakārakaiḥ | (oṃ) namo nārāyaṇāyeti mantraḥ sarvvārthasādhakaḥ || āpo narasya sūnutvāt nārā iti ha kīrttitāḥ | viṣṇostāsvayanaṃ pūrvvaṃ tena nārāyaṇaḥ smṛtaḥ || nārāyaṇaparā devā nārāyaṇaparā dvijāḥ | nārāyaṇaparā jñānāḥ nārāyaṇaparāḥ kriyāḥ || nārāyaṇaparo dharmo nārāyaṇaparaṃ tapaḥ | nārāyaṇaparaṃ dānaṃ nārāyaṇaparaṃ vratam || nārāyaṇaparā lokā nārāyaṇaparāmvarāḥ | nārāyaṇaparaṃ nityaṃ nārāyaṇaparaṃ padam || nārāyaṇaparā pṛthvī nārāyaṇaparaṃ jalam | nārāyaṇaparo vahniḥ nārāyaṇaparaṃ nabhaḥ | ahaṅkāraśca buddhiśca ubhe nārāyaṇātmake || bhūtaṃ bhavyaṃ bhaviṣyacca yatkiñcijjīvasaṃjñitam