Tirthacintamani 4.p78

4.p78

yakāraḥ pītavarṇañca vāmaskandhe samāśritaḥ | ṣākāraḥ kajjalābhaḥ syāt dakṣiṇāṃśe vyavasthitaḥ | yakāro'yaṃ śirasyaśca yatra lokāḥ pratiṣṭhitāḥ || oṃ viṣṇave namaḥ-śiraḥ | oṃ jvalanāya namaḥ-śikhā | oṃ viṣṇave namaḥ-kavacam | oṃ viṣṇave namaḥ sphurasphuradiśo bandhanam | oṃ huṃ phaṭstram | oṃ śirasi śuklo vāsudeva iti | oṃ āṃ lalāṭe raktaḥ saṅkarṣaṇo garutvān bahnisteja āditya iti | oṃ āṃ grīvāyāṃ pītaḥ pradyumno vāyumegha, iti | oṃ āṃ (śrīṃ) hṛdaye 'kṛṣṇo'niruddhaḥ sarvvaśaktisamanvita iti | evaṃ caturvyūhamātmānaṃ kṛtvā tataḥ karmma samācaret | mamāgrre ca sthito viṣṇuḥ pṛṣṭhataścāpi keśavaḥ | govindo dakṣiṇe pārśve vāme tu madhusūdanaḥ || upariṣṭāttu vaikuṇṭho vārāhaḥ pṛthivītale | avāntaradiśo yāstu tāsu sarvvāsu mādhavaḥ || gacchatastiṣṭhato vā'pi jāgrataḥ svapato'pi vā | narasiṃhakṛtā guptirvāsudevamayodyaham || evaṃ viṣṇumayo bhūtvā tataḥ karmma samārabhet | yathātmani tathā deve sarvvatattvāni yojayet