Tirthacintamani 4.p77

4.p77

evaṃ maṇḍalamālikhya pūjayettatra bho dvijāḥ | aṣṭākṣaravidhānena nārāyaṇamajaṃ vibhum || ataḥ paraṃ pravakṣyāmi kāyaśodhanamuttamam | ākāraṃ hṛdaye cintyaṃ raktaṃ rephasamanvitam || jvalantaṃ triśikhañcaiva dahanaṃ pāpanāśanam | candramaṇḍalamadhyastham ā(rā)kāraṃ mūrddhi vinyaset || śuklavarṇaṃ pravarṣantamamṛtaṃ plāvayanmahīm | evaṃ nirdhūtapāpastu divyadehastato bhavet || aṣṭākṣaraṃ tato mantraṃ nyaseddekhātmano budhaḥ | vāmapādaṃ samārabhya kramaśaḥkhaiva vinyaset || paścāṅgaṃ vaiṣṇavañcaiva caturvyūhaṃ tathaiva ca | karaśuddhiṃ prakurvīta mūlamantreṇa sādhakaḥ || ekaikañcaiva varṇantu aṅgulīṣu pṛthak pṛthak | oṃkāraṃ bhūrlokaṃ śuklaṃ vāmapāde tu vinyaset || nakārastu bhuvo rakto dakṣiṇe tu vyavasthitaḥ | mokāro vāmakacyāntu śyāmaḥ sarvairvyavasthitaḥ || nākāraḥ sarvvabījantu dakṣiṇasyāṃ vyavasthitaḥ | rākāraḥ kuṅkumābho janaloko nābhimāśritaḥ