Tirthacintamani 4.p85

4.p85

tathāca tatraiva brahmapurāṇe— pūrve dale vāsudevaṃ yāmye saṅkarṣaṇaṃ nyaset | pradyumnaṃ paścime kuryyādaniruddhaṃ tathottare || vārāhañca tathāgneye narasiṃhañca nairṛte | vāyavye mādhavañcaiva tatheśāne trivikramam || tathāṣṭākṣaramantrasya1 purato garur̤aṃ nyaset | tathā mahāgadāñcaiva nyaseddevasya dakṣiṇe || tataḥ śārṅgaṃ dhanurvidvān nyaseddevasya vāmataḥ | dakṣiṇeneṣudhī divye śaṅkhaṃ vāme ca vinyaset || śriyaṃ dakṣiṇataḥ sthāpya puṣṭimuttarato nyaset | vanamālāñca puratastataḥ śrīvatsa-kaustubhau || vinyaset hṛdyādīni pūrbvādiṣu caturdiśam | tato'straṃ devadevasya koṇeṣu caiva tu vinyaset || indramagniṃ yamañcaiva nairṛtaṃ varuṇantathā | vāyuṃ dhanadamīśānamanantaṃ brahmaṇā saha || pūjayettān 2svakairmantrairadhaścorddhaṃ tathaiva ca | evaṃ sampūjya deveśaṃ maṇḍalasthaṃ janārddanam || labhedabhimatān kāmān naro nāstyatra saṃśayaḥ | anenaiva vidhānena maṇḍalasthaṃ janārddanam