Tirthacintamani 4.p86

4.p86

pūjitaṃ yastu paśyeta sa viśet viṣṇumavyayam | sakkadapyarcito yena vidhinānena keśavaḥ || janmamṛtyujarāstīrkhāḥ 1 sa viṣṇoḥ padamāpnuyāt | yaḥ smaret satataṃ bhaktyā nārāyaṇamatandritaḥ || anvahaṃ tasya vāsayi śvetadvīpaḥ prakalpitaḥ | oṃkārādisamāyuktaṃ namaṣkārāntadīpitam || svanāma sarvvasattvānāṃ mantra ityabhidhīyate | anenaiva vidhānena gandhapuṣpe nivedayet || ekaikasya prakurvvīta yathoddiṣṭaṃ krameṇa tu | mudrāstato nibandhnīyāt yathoktakramacoditāḥ || japañcaiva prakurvvīta mūlamantreṇa mantravit | aṣṭāviṃśatimaṣṭau vā śatamaṣṭottaraṃ tathā || kāleṣu ca tathāpyevaṃ 2 yathāśakti samāhitaḥ || padmaṃ śaṅkhaśca śrīvatso gadā garur̤a eva ca | khaṅgaścakrañca śārṅgañca aṣṭau mudrāḥ prakīrttitāḥ || visarjjanamantraḥ— gaccha gaccha paraṃ sthānaṃ purāṇapuruṣottama | yatra brahmādayo devā vindanti paramaṃ padam | arcanaṃ ye na jānanti harermantrairyathoditam | te tatra mūlamantreṇa pūjayantvacyutaṃ sadā