Tirthacintamani 4.p88

4.p88

grahoparāge saṃkrāntyāmayane viṣuve tathā | yugādiṣu ṣar̤aśītyāṃ vyatīpāte dinakṣaye || āṣār̤hagrāñcaiva kārttikyāṃ māghyāñcānyaśubhe tithau | ye tatra dānaṃ viprebhyaḥ prayacchanti sumedhasaḥ || phalaṃ sahasraguṇitamanyatīrthāllabhanti te | pitṝṇāṃ ye prayacchanti piṇḍaṃ tatra vidhānataḥ || akṣayāṃ pitarasteṣāṃ tṛptiṃ saṃprāpnuvanti vai | evaṃ snānaphalaṃ samyak sāgarasya mayoditam || dānasya ca phalaṃ viprāḥ piṇḍadānasya caiva hi | dharmmārtha-kāma'phaladamāyuḥkīrttiyaśaskaram || bhuktimuktipradaṃ nṛṇāṃ dhanyaṃ duḥsvapnanāśanam | sarvvapāpaharaṃ puṇyaṃ sarvvakāmaphalapradam || bhūtale yāni tīrthāni saritaśca sarāṃsi ca | viśanti sarvvatīrthāni tenāsau śreṣṭhatāṃ gataḥ || nāstikāya na vaktavyaṃ narāyedaṃ dvijottamāḥ | tāvad bhramanti tīrthāni māhātmyaiḥ svaiḥ pṛthak pṛthak || yāvanna tīrtharājasya māhātmyaṃ varṇyate dvijāḥ | rājā samastatīrthānāṃ sāgaraḥ saritāṃ patiḥ || tasmāt samastatīrthebhyaḥ śreṣṭho'sau sarvvakāmadaḥ | tamo nāśaṃ yathā'bhyeti bhāskare'bhyudite dvijāḥ