Tirthacintamani 4.p87

4.p87

brahmovāca – evaṃ sampūjya vidhivat bhaktyā taṃ puruṣottamam | praṇamya śirasā paścāt sāgarañca prasādayet || prāṇastvaṃ sarvvabhūtānāṃ yoniśca saritāṃ pate ! | tīrtharāja namaste'stu trāhi māmacyutapriya || snātvaivaṃ sāgare samyak tasmin kṣetravare dvijāḥ | tīre' cābhyarcca vidhivat nārāyaṇamanāmayam || rāmaṃ kṛṣṇaṃ subhadrāñca praṇipatya ca sāgaram | śatānāmaśvamedhānāṃ phalaṃ prāpnoti mānavaḥ | sarvvapāpavinirmuuktaḥ sarvvaduḥkhavivarjjitaḥ | vṛndāraka dūva śrīmān rūpayauvanagarbitaḥ || vimānenārkavarṇena divyagandharvvanādinā | kulaikaviṃśamuddhṛtya viṣṇulokañca gacchati || bhuktā tatra varān bhogān kror̤itvā cāpsaraiḥ saha | manvantaraśataṃ sāgraṃ jarā mṛtyuvivarjjitaḥ || puṇyakṣayādihāyātaḥ kule sarvvaguṇānvite | rūpavān subhagaḥ śrīmān satyavādī jitendriyaḥ || vedaśāstrārthavidvipro bhavedyajvā tu vaiṣṇavaḥ | yogañca vaiṣṇavaṃ prāpya tato mokṣamavāpnuyāt