Tirthacintamani 9.p110
Tīrthacintāmaṇi 9.p110
- Language
- Sanskrit
9.p110
dhenurūpeṇa sā devī mama pāpaṃ vyapohatu | viṣṇorvakṣasi yā lakṣmīḥ svāhā caiva vibhāvasoḥ || candrārkaśakraśaktiryā dhenurūpā tu sā śriye | caturmukhasya yā lakṣmīrlakṣmīśca dhanadasya hi || lakṣmīryā lokapālānāṃ sā dhenurvaradā'stu me | svadhā yā pitṛmukhyānāṃ svāhā yajñabhujāñca yā || sarvvapāpaharā dhenustasmācchāntiṃ prayacchatu | evamāmantrya tāṃ dhenuṃ brāhmaṇāya nivedayet || vidhānametadgodhenūnāṃ sarvvāsāmiha paṭhyate | yāstu pāpavināśinyaḥ paṭhyante daśa dhenavaḥ || tāsāṃ svarūpaṃ vakṣyāmi nāmāni ca narādhipa | prathamā gur̤adhenuḥ syāt ghṛtadhenustathā parā || tiladhenustṛtīyā tu caturthī jalasaṃjñikā | kṣīradhenuśca vikhyātā madhudhenustathā parā || saptamī śarkarādhenurdadhidhenustathā'ṣṭamī | rasadhenuśca navamī daśamī svasvarūpataḥ || kumbhāḥ syu īvadhenūnāmitarāsāntu rāśayaḥ | suvarṇadhenumapyatra kecidicchanti mānavāḥ || navanītena tailena tathānye'pi maharṣayaḥ | etadeva vidhānaṃ syāttatra vopaskarāḥ smṛtāḥ