Tirthacintamani 9.p125

9.p125

vihitaṃ karma gaṅgātīre kriyate tasya koṭiguṇaṃ phalam | jambāmra-vakula-kadalī nārikela-kapitthāśoka campaka-paṇasa vilvakadambāśvattha---pāṭalānāgaraṅga- mātuluṅgāmalakī-tintir̤ī-saha-kārādisaṃyuktaṃ jāti-vijaya-punnāga-karavīra-vicikaulādiśobhitamārāmaṃ gaṅgātīre kārayitvā śivāya viṣṇave durgāyai bhāskarāya-datvā tadārāmasthavṛkṣīyapuṣpamūlaphalabījasamasaṃkhya kalpasahasrāvacchinna śivādilokamahitatvāvāptiḥ phalam | tathātra—gaṅgātīre yathoktamārāmaṃ kārayitvā caturddaśyādau śivaṃ sampūjyārāmañca prokṣya— oṃ adyāmukamāsīyāmukatithau etadārāmavṛkṣīyapuṣpa-mūla-phalabīja-tanmūlasamasaṃkhyakakalpasahasrāvacchinna śivalokamahitatvāvāptikāmo'mumārāmaṃ gaṅgātīre svakāritaṃ vanaspatidaivataṃ bhagavate śivāyaiāhaṃ dade| evaṃ viṣṇvādidāne'pi vākyaṃ śivalokasthāne viṣṇuloke iti viśeṣaḥ | •