Tirthacintamani 9.p130

9.p130

tathā tatraiva— gaṅgātīre māghamāse yaḥ kuryyānnaktabhojanam | śivāyatanapārśve tu kṛṣaraṃ ghṛtasaṃyuktam || naivedyañca nivedyaiva kṛṣarānnaṃ śivasya tu | 'kāṣṭhamonena bhuñjāno jihvālaulyaṃ vivarjjayet || palāśapatre bhuñjānaḥ śivaṃ smṛtvā jitendriyaḥ | dharmmarājasya devyāśca pṛthak piṇḍaṃ prakalpayet || sopavāsaścaturddaśyāṃ bhavedubhayapakṣayoḥ | paurṇamāsyāntu gandhaiśca gaṅgāyāḥ salilaistathā || śivaṃ saṃsthāpya payasā madhunā ca svaśaktitaḥ | tathaiva hemapaṭṭañca liṅgamūrddhina viniḥkṣipet || tato dadyāt svaśaktyaiva śivāya ghṛtakambalam | ekār̤hakaṃ kṛṣṇatilaṃ śivaliṅgopari kṣipet || nīlotpalaiśca sarvveśaṃ pūjayet paṅkajairapi | alābhe kārayeddhemnā māṣamātreṇa cotpalam || pāyasañcātra madhunā ghṛtayuktañca guggulum | ghṛtadīpaṃ tathācaiva candanādyairvilepanam || dadyāt svaśaktito bhaktyā tathā pañcaphalāni ca | kṛṣṇagomithunañcaiva kharūpañca nivedayet || bhojayet brāhmaṇānaṣṭau māsānte tu sadakṣiṇān | varjjayenmadhumāṃsañca taṃ māsaṃ brahmacaryyavān