Tirthacintamani 9.p131

9.p131

evaṃ kṛtvā yathoddiṣṭamekavāramidaṃ vratam | yamaniyamasampannaḥ śraddhābhaktiparāyaṇaḥ || iha bhogānavāpnoti pretya cānuttamāṅganim | indranīlapratīkāśairvimānaiḥ śikhisaṃyutaiḥ || divyaratnamayaiścaiva divyabhogasamanvitaiḥ | gatvā śivapuraṃ ramyaṃ sarvvasvakulasaṃyutaḥ || suhṛdbhirbahubhiścaiva vividhānapyabhīpsitān | bhuktvā bhogānaśeṣāṃśca yāvadāhūtasaṃplavam || tato bhavati dharmātmā 'saptadvīpapatistathā || tatra bhuṅkte samastāṃśca bhogān vigatakaṇṭakaḥ | surūpaḥ subhagaścaiva natiraskṛtaśāsanaḥ || sarvvarogavinirmuktaḥ so'pyetatphalamāpnuyāt | tathā— vaiśākhe śuklapakṣe tu caturddaśyāṃ samāhitaḥ | śrāktavaṃ caurasaṃyuktaṃ yaḥ kuryyānnaktabhojanam || śivaṃ sampūjya puṣpādyairbhojyañca saṃnivedya ca | kāṣṭhamaulena bhuñjāno vaṭakāṣṭhena vai tataḥ || maunena prayato bhūtvā kuryyādvai dantadhāvanam | śivaliṅgasamīpe tu gaṅgātīre niśi svapet