Tirthacintamani 9.p136

9.p136

saṃsthāpya pūjayeddevīṃ tadabhāve mṛdāpi vā | atha 'tatrāpyaśaktaścet likhit piṣṭena vai bhuvi || caturbhujāṃ sunetrāñca candrāyutasamaprabhām | ratnakumbha-sitāmbhoja-baradā-'bhayahatkarām || śvetavastraparīdhānāṃ muktājālavibhūṣitām | smitavaktāṃ sukeśāñca sarvāvayavaśobhitām || cāmarairbījyamānāñca śvetacchatropaśobhitām | suprasannāñca varadāṃ karuṇāīnijāntarām || sudhāplāvitabhūpṛṣṭhāmārdragandhānulepanām | trailokyanamitāṃ gaṅgāṃ devādirabhiṣṭutām || divyaratnaparītāñca divyamālyānulepanām | dhyātvā jale yathāproktāṃ tathārccāyāñca pūjayet || vacyamāṇena mantreṇa kuryyāt pūjāmaśeṣataḥ | pañcāmṛtena ca snānamarccāyāntu viśeṣataḥ || pratimāye sthaṇḍile tu gomayenopalepite | nārāyaṇaṃ maheśañca brahmāṇaṃ bhāskarantathā || bhagīrathañca nṛpatiṃ himavantaṃ nageśvaram | gandhapuṣpādabhiścaiva yathāśakti prapūjayet || daśaprasthān tilām dadyāt daśagobhyo gavāṃ hitān | prasthaḥ ṣoḍaśapalānīti kalpataruḥ