Tirthacintamani 9.p137

9.p137

matsya-kacchapa-maṇḍūka-makarādijalecarān | kārayitvā yathāśakti svarṇena rajatena vā || tadalābhe piṣṭamayānabhyarcya kusumādibhiḥ | gaṅgāyāṃ prakṣipedājyaṃ dīpāṃścaiva pravāhake || rathayātrāṃ dine tasmin vibhave sati kārayet ! rathākhr̤hapratikṛtergaṅgāyāstūttarāmukham | bhramantyādarśanaṃ loke durlabhaṃ pāpakarmiṇām || 2yathā durgarathayātrā tathaivātrāpi kārayet | evaṃ kṛtvā vidhānena vittaśāṭhyavivarjitaḥ | daśapāpairvadhyamāṇaiḥ sadya eva vimucyate || adattānāmupādānaṃ hiṃsā caivāvidhānataḥ | paradāropasevā ca kāyikaṃ trividhaṃ smṛtam || pāruṣyamanṛtañcaiva paiśunyañcāpi sarvvaśaḥ | asambaddhapralāpaśca vācikaṃ syāccaturvidham || paradravyeṣvabhidhyānaṃ manasā'niṣṭacintanam | vitathābhiniveśaśca mānasaṃ trividhaṃ smṛtam | etairdaśavidhaiḥ pāpairjanmakoṭisamudbhavaiḥ || mucyate nātra sandeho brahmaṇo vacanaṃ yathā | daśatriṃśacchatān pūrvvān pitṝneva tathā parān || uddharatyeva saṃsārānmantreṇānena pūjayet | oṃ namo nārāyaṇyai daśaharāyai gaṅgāyai namonamaḥ