Tirthacintamani 9.p138

9.p138

iti mantrañca yo martyo dine tasmin divāniśam | japet pañcasahastrāṇi daśadharmmaphalaṃ labhet || uddhareddaśapūrvāntu kulañcaiva bhavārṇavāt | vakṣyamāṇamidaṃ stotraṃ vidhinā pratipūjya ca || gaṅgāyai taddine japyaṃ 'dvistatpūjāṃ pravarttayet | oṃ namaḥ śivāyai gaṅgāyai śivadāyai namo'stu te || namo'stu viṣṇurūpiṇyai gaṅgāyai te namonamaḥ | sarvvadevasvarūpiṇyai namo bheṣajamūrttaye || sarvvasya sarvvavyādhīnāṃ bhiṣakśreṣṭhe namo'stu te | sthāṇujaṅgamasambhūtaviṣahantrima namo'stu te || saṃsāraviṣanāśinyai jīvanāyai namonamaḥ | tāpatritayahantrai ca prāṇeśyai te namonamaḥ || śāntisantānakāriṇyai namaste śuddhamūrttaye | sarvvasaṃśuddhikāriṇyai namaḥ pāpārimūrttaye || bhukti-muktipradāyinyai bhadrāyai te namonamaḥ | bhogopabhogadāyinyai bhogavatyai namonamaḥ || mandākinyai namaste'stu svargadāyai namonamaḥ | namastrailokyabhūtāyai tridaśāyai namonamaḥ | namastriśuklasaṃsthāyai kṣemavatyai namonamaḥ || tridaśāyanasaṃsthāyai tejovatyai namonamaḥ | mandāyai liṅgadhāriṇyai nārāyaṇyai namonamaḥ